اسلام ٹائمز - بنوں میں اسکول وین کو حادثہ، 28 بچے زخمی

پولیس کے مطابق اسکول وین کا حادثہ بریک فیل ہونیکے باعث ہوا۔ زخمی بچوں کو خلیفہ گل نواز ہسپتال بنوں منتقل کر دیا گیا ہے، بچوں کی عمریں 5 سال اور 10 سال کے درمیان ہیں۔

اسلام ٹائمز۔ بنوں میں اسکول وین حادثے کا شکار ہوگئی۔ واقعے میں 28 طالبعلم زخمی ہوگئے۔ ہفتے کی صبح بنوں مں اقراء پبلک اسکول گمبتی وزیر کی گاڑی کو حادثہ پیش آیا۔ پولیس کے مطابق اسکول وین کا حادثہ بریک فیل ہونے کے باعث ہوا۔ زخمی بچوں کو خلیفہ گل نواز ہسپتال بنوں منتقل کر دیا گیا۔ وین بچوں کو اسکول لے جا رہی تھی۔ حادثے میں اسکول کے 28 بچے اور بچیاں زخمی ہوئے۔ زخمیوں کی حالت تسلی بخش بتائی گئی ہے۔ حادثے میں زخمی ہونے والے بچوں کی عمریں 5 سال اور 10 سال کے درمیان ہیں۔