QR Code

کے فور منصوبہ 24 ارب سے بڑھ کر 150 ارب روپے کا ہوگیا، فیصل واوڈا

6 Sep 2019 18:25

بلدیہ اور اتحاد ٹاؤن میں اپنے حلقے کے دورے کے بعد میڈیا سے بات چیت کرتے ہوئے وفاقی وزیر آبی وسائل نے کہا کہ کے فور کی تکمیل کی کوئی گارنٹی نہیں ہے، حکومت سندھ اسے 600 ارب روپے تک پہنچادے گی، بلدیاتی حکومت کو 46 اور سندھ حکومت کو 170 ارب سے زائد فنڈ ملے مگر چٹکی برابر نہیں ہوا۔

اسلام ٹائمز۔ وفاقی وزیر آبی وسائل فیصل واوڈا نے کہا ہے کہ کے فور منصوبہ 24 ارب سے بڑھ کر 150 ارب روپے کا ہوگیا پھر بھی تکمیل کی کوئی گارنٹی نہیں ہے۔ بلدیہ اور اتحاد ٹاؤن میں اپنے حلقے کے دورے کے بعد میڈیا سے بات چیت کرتے ہوئے وفاقی وزیر آبی وسائل فیصل واوڈا نے کہا ہے کہ بلدیہ اور اتحاد ٹاؤن انسانوں کے رہنے کے قابل نہیں رہا، انسان اور جانور کے درمیان فرق پورے پاکستان میں نظر نہیں آرہا، میرے حلقے کا حق مارا جارہا ہے، بلدیہ ٹاؤن مشکل میں رہا تو کسی اور علاقے میں مصیبت کھڑی کردوں گا، کے فور منصوبہ 24 ارب سے بڑھ کر 150 ارب روپے کا ہوگیا پھر بھی تکمیل کی کوئی گارنٹی نہیں ہے، حکومت سندھ اسے 600 ارب روپے تک پہنچادے گی۔ انہوں نے کہا کہ بلدیاتی حکومت کو 46 اور سندھ حکومت کو 170 ارب سے زائد فنڈ ملے مگر چٹکی برابر نہیں ہوا۔

خبر کا کوڈ: 814847