QR Code
محسن داوڑ اور علی وزیر کو ضمانت پر رہا کرنیکا حکم
18 Sep 2019 18:11
عدالت نے دونوں سیاسی رہنماؤں کی ضمانت منظور کرتے ہوئے انکی رہائی کے احکامات جاری کر دیئے۔ ہائی کورٹ نے 10 لاکھ روپے کے مچلکوں اور 2 افراد کی شخصی ضمانت کی عوض رہائی کا حکم دیا۔
اسلام ٹائمز۔ پشاور ہائی کورٹ نے ارکان قومی اسمبلی اور پشتون تحفظ موومنٹ (پی ٹی ایم) کے رہنماؤں محسن داوڑ اور علی وزیر کو ضمانت پر رہا کرنے کا حکم دیدیا۔ پشاور ہائی کورٹ کے بنوں سرکٹ بینچ میں جسٹس ناصر محفوظ نے محسن داوڑ اور علی وزیر کی درخواست ضمانت کی سماعت کی۔ عدالت نے دونوں سیاسی رہنماؤں کی ضمانت منظور کرتے ہوئے ان کی رہائی کے احکامات جاری کر دیئے۔ ہائی کورٹ نے 10 لاکھ روپے کے مچلکوں اور 2 افراد کی شخصی ضمانت کی عوض رہائی کا حکم دیا۔ واضح رہے کہ محسن داوڑ اور علی وزیر کو خڑکمر چیک پوسٹ پر حملے کے الزام میں گرفتار کیا گیا تھا اور ان کے خلاف دہشت گردی کے مقدمات زیر سماعت ہیں۔
خبر کا کوڈ: 816937