QR Code

شیعہ علماء کونسل خیبر پختونخوا کے وفد کا دورہ ہری پور

19 Sep 2019 15:30

وفد میں صوبائی جنرل سیکرٹری مظفر علی آخونزادہ، صوبائی سیکرٹری مالیات مولانا مرتضیٰ جعفری اور نوازش علی شامل تھے۔ وفد نے خان پور ڈیم پر ضلعی آرگنائزر ہری پور سید اسرار علی شاہ کاظمی، ملک راشد حسین اور دیگر تنظیمی احباب سے ملاقات کی۔

اسلام ٹائمز۔ شیعہ علماء کونسل خیبر پختونخوا کے صوبائی صدر علامہ حمید حسین امامی کی قیادت میں ایک وفد نے ہری پور کا دورہ کیا۔ وفد میں صوبائی جنرل سیکرٹری مظفر علی آخونزادہ، صوبائی سیکرٹری مالیات مولانا مرتضیٰ جعفری اور نوازش علی شامل تھے۔ وفد نے خان پور ڈیم پر ضلعی آرگنائزر ہری پور سید اسرار علی شاہ کاظمی، ملک راشد حسین اور دیگر تنظیمی احباب سے ملاقات کی، بعدازاں پنڈ گاکھڑہ، سلطان پور، گڑھی سیداں، توفکیاں، ہلی کوہالہ، ترناوہ، بخشاہی، کوٹہرہ، خانپور، کوہاس، وجیاں، جولیاں اور ہری پور سٹی سے آئے ہوئے امام بارگاہوں کے متولیان اور عوام کیساتھ نشست ہوئی۔ صوبائی وفد نے عوام سے ملاقات کے بعد بارہ بجے ڈی پی او ہری پور سے ملاقات کی اور عشرہ محرم میں پیش آنے والے مسائل پر ان سے بات چیت کی۔

خبر کا کوڈ: 817138