QR Code

محکمہ داخلہ پنجاب نے تھانوں میں کیمرے لگانے کی ہدایت کر دی

25 Sep 2019 11:11

ذرائع کے مطابق محکمہ داخلہ نے تھانوں میں تشدد کی روک تھام اور شفاف تفتیش کیلئے تمام تھانوں میں سی سی ٹی وی کیمرے لگانے کی ہدایت کر دی ہے۔ ذرائع کے مطابق تھانوں میں ڈیجیٹل سسٹم کے ذریعے کنٹرول روم بھی بنایا جائے گا۔

اسلام ٹائمز۔ محکمہ داخلہ نے پنجاب بھر کے تمام تھانوں میں سی سی ٹی وی کیمرے نصب کرنے کے احکامات جاری کر دیئے ہیں۔ ذرائع کے مطابق محکمہ داخلہ نے تھانوں میں تشدد کی روک تھام اور شفاف تفتیش کیلئے تمام تھانوں میں سی سی ٹی وی کیمرے لگانے کی ہدایت کر دی ہے۔ ذرائع کے مطابق تھانوں میں ڈیجیٹل سسٹم کے ذریعے کنٹرول روم بھی بنایا جائے گا۔ ذرائع کے مطابق تھانوں میں کیمرے لگانے کے احکامات وفاقی وزیر داخلہ اعجاز شاہ کی جانب سے جاری کئے گئے تھے جس پر محکمہ داخلہ پنجاب نے پولیس کو مراسلہ جاری کر دیا ہے۔ یاد رہے کہ گزشتہ کچھ عرصے کے دوران پولیس حراست میں چار افراد کی ہلاکت ہو چکی ہے۔ پولیس حراست میں ہلاکتوں کا سلسلہ روکنے کیلئے محکمہ داخلہ نے یہ اقدام کیا ہے۔
 

خبر کا کوڈ: 818223