QR Code

لوگ آزادی مارچ کو دیکھ کر انقلاب ایران کو بھول جائیں گے، مولانا عطاء الرحمان

28 Sep 2019 22:19

جے یو آئی کے رہنماء کا جلسہ سے خطاب کرتے ہوئے کہنا تھا کہ مولانا فضل الرحمان اور حکومت کے مابین رابطے کی افواہیں پھیلائی جا رہی ہیں، ان میں کوئی بھی صداقت نہیں ہے۔ ہمارا مشن نااہل اور غیر جمہوری حکومت سے چھٹکارہ ہے۔

اسلام ٹائمز۔ جمعیت علمائے اسلام (ف) کے صوبائی رہنماء مولانا عطا الرحمان کہتے ہیں کہ اکتوبر میں ہر حال میں آزادی مارچ کیا جائے گا اور لوگ شہادت کے جذبے سے سرشار ہو کر مارچ میں شرکت کریں گے۔ بونیر میں جلسہ سے خطاب کرتے ہوئے مولانا نے کہا کہ مولانا فضل الرحمان اور حکومت کے مابین رابطے کی افواہیں پھیلائی جا رہی ہیں، ان میں کوئی بھی صداقت نہیں ہے۔ ہمارا مشن نااہل اور غیر جمہوری حکومت سے چھٹکارہ ہے۔ لاکھوں کارکنان حکومت کے خاتمے کے لئے اسلام آباد کا رخ کریں گے اور لوگ آزادی مارچ کو دیکھ کر انقلاب ایران کو بھول جائیں گے۔ مولانا عطاء الرحمان نے مزید کہا کہ ہمارا مقصد عوام کو اسٹیبلشمنٹ زدہ حکومت سے نجات دلانا ہے، کارکنان کا راستہ روکا گیا تو دمادم مست قلندر ہوگا۔

خبر کا کوڈ: 818942