QR Code

وزارت داخلہ نے مولانا فضل الرحمان کے حامی مدارس کی تفصیلات مانگ لیں

8 Oct 2019 16:20

انتہائی باوثوق ذرائع کا کہنا ہے کہ وزارت داخلہ نے مولانا فضل الرحمان کا ساتھ دینے والی مذہبی و سیاسی جماعتوں کے رہنماؤں اور کارکنوں کی لسٹیں بھی طلب کی ہیں۔ ان تنظیموں کے زیر انتظام جلنے والے مدارس، استاتذہ اور طلباء کی کوائف بھی مانگ لیے گئے۔

اسلام ٹائمز۔ حکومت مخالف آزادی مارچ کے معاملہ پر حکومت نے بھی تیاریاں شروع کر دیں۔ وزارت داخلہ نے صوبوں سے مولانا فضل الرحمان کے حمایتی مدارس کی تفصیلات طلب کرلیں۔ انتہائی باوثوق ذرائع کا کہنا ہے کہ وزارت داخلہ نے مولانا فضل الرحمان کا ساتھ دینے والی مذہبی و سیاسی جماعتوں کے رہنماؤں اور کارکنوں کی لسٹیں بھی طلب کی ہیں۔ ان تنظیموں کے زیر انتظام چلنے والے مدارس، اساتذہ اور طلباء کے کوائف بھی مانگ لیے گئے۔ وزارت داخلہ نے چاروں صوبوں کے ہوم ڈیپارٹمنٹس سے اہم معلومات جمع کرنا شروع کردی ہیں۔ ذرائع کا کہنا ہے کہ وزیراعظم وطن واپسی پر اہم اجلاس طلب کریں گے، جس میں آزادی مارچ کی اجازت دینے یا نہ دینے کا فیصلہ کیا جائے گا تاہم موجودہ صورتحال کے تناظر میں اہم اداروں سے مشاورت کیلئے وزیراعظم اجلاس میں فیصلہ کریں گے۔

خبر کا کوڈ: 820867