QR Code

کراچی میں ایکسائز افسر کو بھتے کی پرچی کے ساتھ گولی بھی موصول

12 Oct 2019 21:06

واقعے کے بعد ایکسائز انسپکٹر نے نارتھ ناظم آباد تھانے میں درخواست جمع کرائی تو اس کا ماتھا ٹھنکا رہ گیا جہاں پولیس نے عجیب منطق اپناتے ہوئے کہا کہ دوبارہ ملزمان کی کال آئے گی تو مقدمہ درج کیا جائے گا۔ ایکسائز انسپکٹر نے میڈیا کو بتایا کہ بھتہ کی پرچی کے ساتھ تیس بور پستول کی گولی بھی بھیجی گئی ہے۔

اسلام ٹائمز۔ شہر قائد کے ضلع وسطی میں بھتہ خوروں نے ایکسائز انسپکٹر کو بھتے کے پرچی کے ساتھ گولی بھی بھیج کر سنسنی پھیلا دی ہے۔ تفصیلات کے مطابق شہر قائد میں ڈکیتوں کے بعد بھتہ خور بھی سرگرم ہوگئے ہیں، بھتہ خوروں نے دیدہ دلیری کا مظاہرہ کرتے ہوئے نارتھ ناظم آباد میں ایکسائز انسپکٹر کے گھر بھتے کی دوسری پرچی کیساتھ گولی بھی بھیج دی ہے، واقعے کے بعد ایکسائز انسپکٹر نے نارتھ ناظم آباد تھانے میں درخواست جمع کرائی تو اس کا ماتھا ٹھنکا رہ گیا جہاں پولیس نے عجیب منطق اپناتے ہوئے کہا کہ دوبارہ ملزمان کی کال آئے گی تو مقدمہ درج کیا جائے گا۔ ایکسائز انسپکٹر نے میڈیا کو بتایا کہ بھتہ کی پرچی کے ساتھ تیس بور پستول کی گولی بھی بھیجی گئی ہے۔

خبر کا کوڈ: 821714