QR Code

جوائنٹ ایکشن کمیٹی فار شیعہ مسنگ پرسنز کے زیراہتمام مظاہرہ، لاپتہ افراد کی بازیابی کا مطالبہ

15 Oct 2019 20:07

مظاہرے سے خطاب کرتے ہوئے یافث نوید ہاشمی کے بیٹے یعسوب ہاشمی کا کہنا تھا کہ اگر ہمارے بیٹے گناہ گار ہیں تو انہیں عدالت میں پیش کیا جائے، کشمیری مسلمانوں کے لیے انصاف مانگنے والے پہلے اپنے شہریوں کو انصاف فراہم کریں، ہمیں بتایا جائے کہ ہمارے بھائیوں کو کیوں گرفتار کیا گیا ہے۔

اسلام ٹائمز۔ جوائنٹ ایکشن کمیٹی فار شیعہ مسنگ پرسنز کے زیراہتمام خانوادگان اسیران ملت جعفریہ کی جانب سے جبری لاپتہ ہونے والے افراد کی بازیابی کے لیے ملتان پریس کلب کے سامنے بچوں نے ہاتھوں میں رسیاں باندھ کر، ہاتھوں میں ترازو اٹھاکر اور ہاتھوں میں پلے کارڈز اٹھاکر پُرامن احتجاجی مظاہرہ کیا گیا، مظاہرے کی زیرقیادت یعسوب ہاشمی نے کی، احتجاجی مظاہرہ سے لاپتہ افراد کے لواحقین اور محمد شہریار جنرل سیکرٹری آئی ایس او ملتان ڈویژن نے خطاب کرتے ہوئے کہا کہ ہم اس ملک کے پرامن اور محب وطن شہری ہیں، ہمیں انصاف فراہم کیا جائے لاپتہ افراد کے لواحقین یعسوب ہاشمی نے کہا کہ اگر ہمارے بیٹے گناہ گار ہیں تو انہیں عدالت میں پیش کیا جائے، کشمیری مسلمانوں کے لیے انصاف مانگنے والے پہلے اپنے شہریوں کو انصاف فراہم کریں، ہمیں بتایا جائے کہ ہمارے بھائیوں کو کیوں گرفتار کیا گیا ہے؟۔ اگر ان کا کوئی قصور ہے تو عدالتوں میں پیش کیا جائے نہیں تو جلد از جلد رہا کیا جائے۔ انہوں نے کہا کہ ہم بانیان پاکستان کی اولادیں انصاف مانگنے کے لیے سڑکوں پر موجود ہیں، ہمارا پرامن احتجاج ہماری حب الوطنی کا منہ بولتا ثبوت ہے۔

خبر کا کوڈ: 822231