QR Code

نون لیگ کا نواز شریف کے بیرون ملک علاج کیلئے طبی ماہرین سے رابطہ

24 Oct 2019 23:22

پاکستان مسلم لیگ (ن) کے ڈپٹی سیکرٹری جنرل عطاء اللہ تارڑ نے محمد نواز شریف کی صحت سے متعلق بیان دیتے ہوئے کہا ہے کہ سابق وزیراعظم کے حوالے سے پوری قوم تشویش میں مبتلا ہے۔ ان کے خون میں پلیٹ لیٹس کی مقدار چھ ہزار کی تشویشناک سطح تک گر چکی ہے۔

اسلام ٹائمز۔ سابق وزیراعظم میاں نواز شریف کے پلیٹس لیٹس پھر چھ ہزار ہونے کی اطلاعات ہیں۔ عطاء اللہ تارڑ نے تصدیق کی ہے کہ نون لیگ نے اپنے قائد کے بیرون ملک علاج کیلئے طبی ماہرین سے رابطہ کیا ہے۔ پاکستان مسلم لیگ (ن) کے ڈپٹی سیکرٹری جنرل عطاء اللہ تارڑ نے محمد نواز شریف کی صحت سے متعلق بیان دیتے ہوئے کہا ہے کہ سابق وزیراعظم کے حوالے سے پوری قوم تشویش میں مبتلا ہے۔ ان کے خون میں پلیٹ لیٹس کی مقدار چھ ہزار کی تشویشناک سطح تک گر چکی ہے۔ طبی معائنے کے بعد میڈیکل بورڈ کی تجویز کردہ ادویات اور انجکشن نواز شریف کو دئیے جا رہے ہیں۔ انہوں نے تصدیق کی کہ میاں نواز شریف کی میڈیکل رپورٹس، طبی کیفیت اور عارضے کی تفصیل بیرون ملک ماہرین کو بھجوا دی گئی ہیں۔ شریف خاندان اور پارٹی صدر شہباز شریف نے قوم سے دعا کی اپیل کی ہے، کہ خدا انہیں جلد صحت کاملہ عطا فرمائے۔
 

خبر کا کوڈ: 823857