QR Code

آزادی مارچ کے مہمانوں کی طرف سے نظم و ضبط کا مظاہرہ کرنے پر انکے مشکور ہیں، فیصل جاوید

13 Nov 2019 19:59

مائیکرو بلاگنگ ویب سائٹ ٹوئٹر پر پی ٹی آئی رہنماء نے کہا کہ عام شہریوں کی زندگی متاثر کرنے کی کسی صورت اجازت نہیں دی جاسکتی پرامن احتجاج تو ٹھیک ہے لیکن کوئی غیرقانونی چیز کرنا لوگوں کی زندگی کو متاثر کرنا یہ قابل قبول نہیں ہے۔

اسلام ٹائمز۔ جمعیت علما اسلام (ف) کے سربراہ مولانا فضل الرحمان کی جانب سے اسلام آباد میں جاری آزادی مارچ ختم کیے جانے کے اعلان پر  حکمران جماعت کے سینیٹر فیصل جاوید نے کہا ہے کہ مولانا فضل الرحمان کا دھرنا ختم کرنے کا اعلان بہت اچھا اقدام ہے، جمہوریت میں پرامن احتجاج کرنا حق ہے، پرامن رہیں اور کوئی غیر قانونی اقدام نہ کریں، تعمیری اپوزیشن کی طرف آجائیں، ایشوز پر جہاں حکومت غلط جائے اس کی تصحیح کریں اور جہاں ٹھیک جائے اس کا ساتھ دیں۔ مائیکرو بلاگنگ ویب سائٹ ٹوئٹر پر انہوں نے دھرنے کے شرکاء کا شکریہ ادا کرتے ہوئے کہا کہ عام شہریوں کی زندگی متاثر کرنے کی کسی صورت اجازت نہیں دی جاسکتی پرامن احتجاج تو ٹھیک ہے لیکن کوئی غیرقانونی چیز کرنا لوگوں کی زندگی کو متاثر کرنا یہ قابل قبول نہیں ہے، احتجاج ضرور کریں لیکن پرامن رہیں اور لوگوں کی زندگی کو متاثر نہ کریں۔ ان کا کہنا تھا کہ دھرنے کے شرکاء ہمارے مہمان تھے، انہوں نے بھرپور نظم و ضبط کا مظاہرہ کیا، جس پر ان کا شکریہ ادا کرتے ہیں، اللہ تعالی سب کا حامی و ناصر ہو۔

خبر کا کوڈ: 827211