QR Code

باچا خان ایئر پورٹ پر بیرون ملک منشیات اسمگلنگ کی کوشش ناکام

14 Nov 2019 18:02

اینٹی نارکوٹس فورس کا کہنا ہے کہ دونوں ملزمان چچا بھتیجا ہیں اور قومی ائیر لائن کی پرواز سے دوحا جا رہے تھے، جنہیں حراست میں لے لیا گیا ہے اور ان سے مزید تفتیش جاری ہے۔

اسلام ٹائمز۔ باچا خان ایئر پورٹ پر شیمپو میں چھپا کر بیرون ملک منشیات اسمگلنگ کی کوشش ناکام بنا دی گئی۔ تفصیلات کے مطابق اینٹی نارکوٹکس فورس (اے این ایف) نے باچا خان ایئر پورٹ پر شیمپو میں چھپا کر بیرون ملک منشیات اسمگلنگ کی کوشش ناکام بنا دی گئی۔

اے این ایف کے مطابق ہنگو کے رہائشی 2 ملزمان کے سامان سے مجموعی طور پر 804 گرام منشیات برآمد ہوئیں جو انہوں نے شیمپو کی بوتلوں میں چھپا رکھی تھی۔

اینٹی نارکوٹس فورس کا کہنا ہے کہ دونوں ملزمان چچا بھتیجا ہیں اور قومی ائیر لائن کی پرواز سے دوحا جا رہے تھے، جنہیں حراست میں لے لیا گیا ہے اور ان سے مزید تفتیش جاری ہے۔

خبر کا کوڈ: 827401