QR Code
حلیم عادل شیخ کو تحریک انصاف کے مرکزی نائب صدر نامزد
1 Jan 2020 00:00
اپنے بیان میں حلیم عادل شیخ نے کہا کہ پہلے کی طرح یہ ذمہ داری بھی بھرپور طریقے سے نبھانے کی کوشش کروں گا، پارٹی کو گراس روٹ تک لے جانے اور پارلیمنٹ میں مزید مؤثر کردار ادا کروانے میں اپنا بھرپور کردار ادا کروں گا۔
اسلام ٹائمز۔ پاکستان تحریک انصاف سندھ کے پارلیمانی لیڈر حلیم عادل شیخ کو تحریک انصاف کا مرکزی نائب صدر نامزد کر دیا گیا، پاکستان تحریک انصاف کے مرکزی چیف آرگنائیزر سیف اللہ خان نیازی نے نوٹیفیکیشن جاری کر دیا۔ حلیم عادل شیخ نے اپنے بیان میں کہا ہے کہ پارٹی کی قیادت کا شکر گذار ہوں، جس نے مجھ پر اعتماد کرکے مرکزی نائب صدر کی ذمہ داری دی۔ انہوں نے کہا کہ پہلے کی طرح یہ ذمہ داری بھی بھرپور طریقے سے نبھانے کی کوشش کروں گا، پارٹی کو گراس روٹ تک لے جانے اور پارلیمنٹ میں مزید مؤثر کردار ادا کروانے میں اپنا بھرپور کردار ادا کروں گا۔
خبر کا کوڈ: 835825