QR Code
قاسم سلیمانی کی شہادت نے دنیائے اسلام کے حریت پسند مجاہدین کے دلوں کو مجروح کیا، پاکستان فلاح پارٹی
18 Jan 2020 18:40
کراچی میں ایم ڈبلیو ایم سندھ کے سیکریٹریٹ میں رہنماؤں سے گفتگو کرتے ہوئے پاکستان فلاح پارٹی کے رہنماؤں نے امریکی حملے میں حاج قاسم سلیمانی، ابومہدی المہندس اور انکے جانثار ساتھیوں کی شہادت کی مذمت کرتے ہوئے کہا کہ انکی شہادت اسلامی مزاحمتی محاذوں کی تقویت و وحدت کا باعث بن چکی ہے۔
اسلام ٹائمز۔ عالمی دہشتگرد امریکہ، اسرائیل کے ہاتھوں اسلام کے مایہ ناز مجاہد اور قدس فورس کے کمانڈر جنرل قاسم سلیمانی، ابو مہدی المہندس اور انکے جانثار ساتھیوں کی مظلومانہ شہادت نے دنیائے اسلام کے حریت پسند مجاہدین کے دلوں کو مجروح کیا ہے، انکی شہادت اسلامی مزاحمتی محاذوں کی تقویت و وحدت کا باعث بن چکی ہے۔ ان خیالات کا اظہار پاکستان فلاح پارٹی کراچی ڈویژن کے جنرل سیکرٹری جنید منشی نے شہید قاسم سلیمانی و دیگر شہداء کی تعزیت اور اظہار یکجہتی کیلئے صوبائی سیکرٹریٹ مجلس وحدت مسلمین پاکستان سندھ آمد کے موقع پر صوبائی رہنما ناصر الحسینی، کراچی ڈویژن کے میر تقی ظفر و اراکین سے گفتگو کرتے ہوئے کیا۔ پاکستان فلاح پارٹی کے وفد میں علامہ منیر احمد شاکر، حافظ عابد، دانش علی، صحافی ذکی شکیل شامل تھے۔ آخر میں شہید قاسم سلیمانی، ابو مہدی اور انکے جانثار ساتھی، کشمیر، فلسطین، شہدائے پاکستان کیلئے فاتحہ خوانی کئی گئی۔
خبر کا کوڈ: 839264