QR Code

مسئلہ کشمیر کے حل کیلئے عالمی برادری بھارت پر دباؤ ڈالے، شیل مانگنے

25 Jan 2020 11:10

سیمینار سے خطاب کرتے ہوئے سابق وزیراعظم ناروے نے عالمی برادری پر زور دیا ہے کہ وہ مقبوضہ کشمیر کے مظلوم عوام پر مظالم ختم کروانے اور مسئلہ کشمیر کے پرامن حل کے لیے بھارت پر دباؤ ڈالے۔

اسلام ٹائمز۔ ناروے کے دارالحکومت اوسلو میں کشمیر پر منعقد ہونے والے ایک سیمینار کے مقررین نے عالمی برادری پر زور دیا ہے کہ وہ مقبوضہ کشمیر کے مظلوم عوام پر مظالم ختم کروانے اور مسئلہ کشمیر کے پرامن حل کے لیے بھارت پر دباؤ ڈالے۔ ناروے کے اہم تھنک ٹینک ’’پیس ریسرچ انسٹیٹیوٹ اوسلو‘‘ کے زیراہتمام ’’مسئلہ کشمیر اور جنوبی ایشیاء میں اس کے مضمرات‘‘ کے عنوان سے منعقد ہونے والے سیمینار میں ناروے کے دانشور، سیاسی اور سماجی امور کے متعدد محققین اور اسکالرز نے شرکت کی۔ ناروے کے سابق وزیراعظم شیل مانگنے بندے ویک نے کہا کہ مسئلہ کشمیر کے پرامن حل کے لیے اور کشمیریوں کے انسانی حقوق کے تحفظ کے لیے عالمی برادری کو بھارت پر دباؤ ڈالنا پڑے گا۔ ناروے کے سابق وزیراعظم اس سے قبل مسئلہ کشمیر کے حل کے لیے کوشاں رہے ہیں اور اس سلسلے میں انھوں نے پچھلے عرصے کے دوران مقبوضہ کشمیر اور آزادکشمیر کا دورہ بھی کیا۔

خبر کا کوڈ: 840533