QR Code
چیف جسٹس کا سربراہ سندھ بلڈنگ کنٹرول اتھارٹی اور دیگر افسران کو ہٹانے کا حکم
6 Feb 2020 15:22
عدالت نے وزیراعلیٰ سندھ سید مراد علی شاہ کو غیر قانونی تعمیرات کا معاملہ دیکھنے کی ہدایت بھی کی۔
اسلام ٹائمز۔ چیف جسٹس پاکستان نے سندھ حکومت کو سندھ بلڈنگ کنٹرول اتھارٹی کے ڈی جی کو فوری طور پر ہٹانے اور شہر کراچی میں تمام غیر قانونی عمارتوں کو گرانے کا حکم دے دیا۔ تفصیلات کے مطابق سپریم کورٹ کراچی رجسٹری میں چیف جسٹس گلزار احمد نے کراچی میں تجاوزات سے متعلق کیس کی سماعت کے دوران ایس بی سی اے کے ڈی جی کو ہٹاتے ہوئے حکم دیا کہ عہدے کا اضافی چارج چیف سیکریٹری سندھ کو دے دیا جائے۔ عدالت نے وزیراعلیٰ سندھ سید مراد علی شاہ کو غیر قانونی تعمیرات کا معاملہ دیکھنے کی ہدایت بھی کی۔ عدالت نے حکم دیا کہ سندھ بلڈنگ کنٹرول اتھارٹی کے کرپٹ افسران کو بھی برطرف کیا جائے۔
خبر کا کوڈ: 843008