اسلام ٹائمز - کراچی میں سرجیکل ماسک بلیک میں فروخت کرنے والوں کی شامت آگئی

کراچی میں سرجیکل ماسک بلیک میں فروخت کرنے والوں کی شامت آگئی

ملزم محمد عثمان کو گرفتار کرکے اس کی نشاندہی پر گلشن اقبال بلاک 13D سے 74 ہزار سرجیکل ماسک اور 200 عدد انفلو واٹر ڈرپ بوتلیں برآمد کرلی۔

اسلام ٹائمز۔ شہر قائد میں سرجیکل ماسک بلیک میں فروخت کرنے والوں کی شامت آگئی، سندھ رینجرز نے دو الگ الگ کارروائیوں میں ملوث 2 ملزمان کو گرفتارکرلیا۔ تفصیلات کے مطابق کراچی کے علاقے پی ای سی ایچ ایس بلاک 2 سے ملزم محمد عثمان کو گرفتار کرکے اس کی نشاندہی پر گلشن اقبال بلاک 13D سے 74 ہزار سرجیکل ماسک اور 200 عدد انفلو واٹر ڈرپ بوتلیں برآمد کرلی، ملزم محمد عثمان نے کورونا وائرس سے احتیاط کیلئے شہریوں کی جانب سے سرجیکل ماسک کی بڑھتی ہوئی طلب کے پیش نظر شو روم مالک کے ساتھ شراکت داری کی۔ ملزم آن لائن شاپنگ کے ذریعے بڑے پیمانے پر سرجیکل ماسک فروخت کر رہا تھا، جس پر ملزم کو گرفتار کیا گیا ہے۔ دوسری کارروائی واٹر پمپ پر کرتے ہوئے دکاندار عماد کو گرفتار کرکے اس کے قبضے سے بھاری مقدار میں فیس ماسک کے ڈبے برآمد کرلیے، ملزم ایک ڈبہ 1650 روپے میں فروخت کر رہا تھا۔