اسلام ٹائمز - دہشتگردوں کیخلاف حملے کے مقام پر ترک فوجیوں کی موجودگی کا شام سمیت کسی کو علم نہیں تھا، تُرک ہلاکتیں المناک ہیں، روس

دہشتگردوں کیخلاف حملے کے مقام پر ترک فوجیوں کی موجودگی کا شام سمیت کسی کو علم نہیں تھا، تُرک ہلاکتیں المناک ہیں، روس

ماسکو میں ترک صدر رجب طیب اردوغان کیساتھ ملاقات کے دوران روسی صدر ولادیمیر پیوٹن نے کہا ہے کہ ادلب کے اندر وجود میں آنیوالے تناؤ کے باعث ترک صدر رجب طیب اردوغان کیساتھ ملاقات کی ضرورت محسوس کی جا رہی تھی۔ انکا کہنا تھا کہ دونوں فریقوں کو صورتحال پر نظر ثانی کرنی چاہیئے تاکہ ترک فوج کے مزید جانی نقصان اور دونوں ممالک کے درمیان موجود روابط کے کمزور پڑنے سے بچا جا سکے۔

اسلام ٹائمز۔ روسی خبر رساں ایجنسی اسپتنک کے مطابق ماسکو میں روسی صدر ولادیمیر پیوٹن نے ترک صدر رجب طیب اردوغان کے ساتھ ملاقات میں کہا ہے کہ ادلب میں (دہشتگردوں کیخلاف حملے کے مقام پر) ترک فوجیوں کی موجودگی کا شامی افواج سمیت کسی کو علم نہیں تھا۔ ولادیمیر پیوٹن نے کہا کہ شام کے اندر ترک فوجیوں کی ہلاکت پر میں ایک مرتبہ پھر گہرے غم کا اظہار کرتا ہوں۔ روسی صدر نے کہا کہ انسانوں کی اموات ہمیشہ المناک ہوتی ہیں۔

ترک صدر رجب طیب اردوغان کے ساتھ ملاقات کے دوران روسی صدر ولادیمیر پیوٹن نے کہا کہ ادلب کے اندر وجود میں آنے والے تناؤ کے باعث ترک صدر رجب طیب اردوغان کے ساتھ ملاقات کی ضرورت محسوس کی جا رہی تھی۔ ان کا کہنا تھا کہ دونوں فریقوں کو صورتحال پر نظر ثانی کرنی چاہیئے تاکہ ترک فوج کے مزید جانی نقصان اور دونوں ممالک کے درمیان موجود روابط کے کمزور پڑنے سے بچا جا سکے۔