QR Code

پاراچنار میں بی بی زینب سلام اللہ علیہا کا یوم شہادت عقیدت و احترام سے منایا گیا

12 Mar 2020 22:34

خطیب آل محمد سید راحت حسین میاں نے بی بی زینب سلام اللہ علیہا کی سیرت، کردار اور اسلام کیلئے عظیم قربانی پر تفصیل سے روشنی ڈالی اور کہا کہ بی بی زینب سلام اللہ علیہا کا صبر و استقلال اور پاک کردار تمام دنیا کی خواتین کیلئے مشعل راہ ہے۔

اسلام ٹائمز۔ یوم شہادت شریکتہ الحسین بی بی زینب بنت امام علیہ السلام گذشتہ روز انتہائی عقیدت و احترام کیساتھ منایا گیا، کرم کی مختلف امام بارگاہوں میں مجالس کا اہتمام کیا گیا، بجلی گھر امام بارگاہ میں بھی مجلس عزا کا اہتمام کیا گیا، جس میں کثیر تعداد میں عزاداروں نے شرکت کی۔ اس موقع پر خطیب آل محمد سید راحت حسین میاں نے بی بی زینب سلام اللہ علیہا کی سیرت، کردار اور اسلام کیلئے عظیم قربانی پر تفصیل سے روشنی ڈالی اور کہا کہ بی بی زینب سلام اللہ علیہا کا صبر و استقلال اور پاک کردار تمام دنیا کی خواتین کیلئے مشعل راہ ہے، مجلس عزا کے بعد نیاز کا بھی اہتمام کیا گیا۔

خبر کا کوڈ: 849987