اسلام ٹائمز - شاہد خاقان عباسی کے وارنٹ گرفتاری جاری

کراچی کی احتساب عدالت نے مسلم لیگ نواز کے رہنما اور سابق وزیراعظم سمیت دیگر کے خلاف غیر قانونی بھرتیوں سے متعلق ریفرنس میں وارنٹِ گرفتاری جاری کر دیے۔

اسلام ٹائمز۔ کراچی کی احتساب عدالت نے مسلم لیگ نواز کے رہنما اور سابق وزیراعظم شاہد خاقان عباسی سمیت دیگر کے خلاف غیر قانونی بھرتیوں سے متعلق ریفرنس میں وارنٹِ گرفتاری جاری کر دیے۔ شاہد خاقان عباسی سمیت دیگر کے خلاف غیر قانونی بھرتیوں سے متعلق ریفرنس کی کراچی کی احتساب عدالت نے سماعت کی۔ احتساب عدالت نے سابق وزیراعظم شاہد خاقان عباسی کے علاوہ ریفرنس کے شریک ملزم سابق سیکریٹری ارشد مرزا کے بھی وارنٹ گرفتاری جاری کیے ہیں۔ عدالت کی جانب سے ریفرنس میں سابق ایم ڈی پی ایس او اور ڈی ایم ڈی کو بھی نوٹس جاری کیے گئے ہیں۔ قومی احتساب بیورو (نیب) نے الزام عائد کیا ہے کہ دوران تحقیقات معلوم ہوا کہ پی ایس او کے ایم ڈی اور ڈی ایم ڈی کی تقرری غیر قانونی ہے۔کراچی کی احتساب عدالت نے شاہد خاقان عباسی سمیت دیگر ملزمان کو 10 اپریل کو پیش ہونے کا حکم بھی دیا ہے۔