دنیا کو اپنے لاک ڈاؤن کے ساتھ کشمیریوں کے دکھ درد کا احساس کرنا چاہیے، سردار عتیق
28 Mar 2020 11:27
اپنے ایک ویڈیو پیغام میں ایم سی کے رہنما کا کہنا تھا کہ آج دنیا کو کشمیر میں سید علی گیلانی، میر واعظ عمر فاروق اور آسیہ اندرابی سمیت لاکھوں لوگوں کے لاک ڈاؤن کا احساس ہو رہا ہو گا۔
اسلام ٹائمز۔ مسلم کانفرنس کے رہنما اورفسابق وزیراعظم آزادکشمیر سردار عتیق احمد نے کہا ہے کہ دنیا کو اپنے لاک ڈاؤن کے ساتھ کشمیریوں کے دکھ درد کا احساس کرنا چاہیے۔ اپنے ایک ویڈیو پیغام میں انہوں نے کہا کہ آج دنیا کو کشمیر میں سید علی گیلانی، میر واعظ عمر فاروق اور آسیہ اندرابی سمیت لاکھوں لوگوں کے لاک ڈاؤن کا احساس ہو رہا ہو گا۔ انھوں نے کہا کہ مخیر حضرات آگے آئیں اور مستحق افراد کو کھانا فراہم کریں اور اسی طرح ماسک بنانے والے آگے بڑھیں اور مفت ماسک تقسیم کر کے عوام کی مدد کریں۔
خبر کا کوڈ: 853151