QR Code

تمام حکومتی وسائل کورونا سے تحفظ کیلئے استعمال کرینگے، راجہ فاروق

29 Mar 2020 12:43

کمشنرز کے ساتھ ویڈیو کانفرنس سے خطاب کرتے ہوئے وزیراعظم آزادکشمیر کا کہنا تھا کہ راولاکوٹ کے ساتھ کوٹلی میں بھی کورونا ٹیسٹنگ لیبارٹری قائم کر رہے ہیں، کمشنر صاحبان روزانہ کی بنیاد پر پرائس کنٹرول کمیٹیوں کی کارکردگی کا جائزہ لیں۔

اسلام ٹائمز۔ وزیراعظم آزادکشمیر راجہ فاروق خان نے کمشنرز کے ساتھ ویڈیو کانفرنس سے خطاب کرتے ہوئے کہا ہے کہ تمام حکومتی وسائل عوام کو کورونا سے محفوظ رکھنے کے لئے استعمال میں لائے جائیں گے، وزیراعظم کمیونٹی انفرسٹراکچر پروگرام سے تینوں ڈویژنل ہیڈکوارٹرز ہسپتالوں میں وینٹیلیٹرز اور دیگر ضروری سامان مہیا کیا جائے گا۔ وزیر صحت ڈاکٹر نجیب نقی خان، وزیر تعلیم کالجز کرنل (ر) وقار احمد نور، وزیر سٹیٹ ڈیزاسٹر مینجمنٹ اتھارٹی احمد رضا قادری، پرنسپل سیکرٹری راجہ امجد پرویز خان اور تینوں ڈویژنز کے کمشنرز ویڈیو لنک پر موجود تھے۔ انہوں نے کہا کہ راولاکوٹ کے ساتھ کوٹلی میں بھی کورونا ٹیسٹنگ لیبارٹری قائم کر رہے ہیں، کمشنر صاحبان روزانہ کی بنیاد پر پرائس کنٹرول کمیٹیوں کی کارکردگی کا جائزہ لیں اور جہاں گراں فروشی ہے اس کے خلاف بلاتفریق کارروائی کریں، دور دراز علاقوں میں رابطہ سڑکیں کھلی رکھی جائیں۔

خبر کا کوڈ: 853371