QR Code

جن لوگوں نے چینی کا بحران پیدا کیا وہ عمران خان کے فنانشل سہولت کار کے طور پر سامنے آئے ہیں، نفیسہ سید

5 Apr 2020 11:05

نجی ٹی وی سے گفتگو کرتے ہوئے اپوزیشن رہنماء نے کہا کہ عمران خان کے دوست چوری کرتے ہوئے رنگے ہاتھوں پکڑے گئے ہیں، مدینہ ریاست کے قوانین کے تحت وہ ان کے ہاتھ کاٹیں گے؟۔

اسلام ٹائمز۔ پی پی پی کی سیکریٹری انفارمیشن ڈاکٹر نفیسہ شاہ نے نجی ٹی وی سے گفتگو کرتے ہوئے کہا کہ جن لوگوں نے ملک میں چینی کا بحران پیدا کیا وہ وزیراعظم عمران خان کے فنانشل سہولت کار کے طور پر سامنے آئے ہیں۔ انہوں نے کہا کہ کیا عمران خان تحریک انصاف کے ڈپٹی کے خلاف کارروائی کریں گے؟۔ نفیسہ شاہ نے الزام لگایا کہ عمران خان کے دوست چوری کرتے ہوئے رنگے ہاتھوں پکڑے گئے ہیں۔ انہوں نے کہا کہ مدینہ ریاست کے قوانین کے تحت وہ ان کے ہاتھ کاٹیں گے؟۔ واضح رہے کہ رواں برس کے شروع میں ہی ملک میں پہلے آٹے کا بحران آیا تھا اور اسی دوران چینی کی قیمت میں بھی اچانک اضافہ ہوا تھااور انہی دو ماہ کے دوران قیمت بڑھنا شروع ہوئی تھی جس کی وجہ سے منافع خوروں کو فائدہ پہنچا۔ سرکاری ذرائع کے مطابق وزیر اعظم نے ای سی سی میں معاملہ جانے سے قبل ہی سمری کی منظوری دی تھی تاکہ 3 لاکھ 50 ہزار ٹن چینی کی برآمد فوری روکی جاسکے اور 3 لاکھ ٹن چینی نجی شعبے کے ذریعے درآمد کی جاسکے۔

 

خبر کا کوڈ: 854755