QR Code

سندھ حکومت مختلف حیلے بہانوں سے احساس پروگرام کو سیاسی بنانا چاہتی ہے، خرم شیر زمان

11 Apr 2020 00:32

ایک بیان میں صدر پی ٹی آئی کراچی نے کہا کہ پورے ملک میں پروگرام شفاف اور میرٹ پر چلتا نظر آیا مگر صرف صوبہ سندھ میں انتظامیہ کی غفلت نظر آئی، سندھ حکومت سے گزارش ہے کہ وہ احساس پروگرام پر سیاست کرنے سے باز رہے، راشن نہ پہنچانے کی ناکامی کا غصہ احساس پروگرام سے نکالا جارہا ہے۔

اسلام ٹائمز۔ پاکستان تحریک انصاف کراچی کے صدر و رکن سندھ اسمبلی خرم شیر زمان نے کہا ہے کہ احساس پروگرام وزیراعظم کی طرف سے لاک ڈاؤن میں پریشان ہونے والی غریب عوام کے لئے ایک فوری مدد ہے، جس سے براہ راست غریبوں کو فائدہ ہورہا ہے، ایسی صورتحال میں صوبہ سندھ کے اندر احساس پروگرام پر سیاست اور انتظامیہ کی نااہلی نظر آئی، جن علاقوں میں انتظام صحیح نہیں کئے گئے ان ڈی سیز کے خلاف کاروائی کی جائے۔ ایک بیان میں خرم شیر زمان نے کہا کہ احساس ایمرجنسی کیش پروگرام ایمرجنسی بنیادوں پر عوام تک پہنچایا گیا، صوبائی حکومت سے وفاقی اقدامات عموماً ہضم نہیں کئے جاتے، اس لئے سندھ حکومت مختلف حیلے بہانوں سے پروگرام کو سیاسی بنانا چاہتی ہے۔

خرم شیر زمان نے کہا کہ پورے ملک میں پروگرام شفاف اور میرٹ پر چلتا نظر آیا مگر صرف صوبہ سندھ میں انتظامیہ کی غفلت نظر آئی، سندھ حکومت سے گزارش ہے کہ وہ احساس پروگرام پر سیاست کرنے سے باز رہے، راشن نہ پہنچانے کی ناکامی کا غصہ احساس پروگرام سے نکالا جارہا ہے، احساس پروگرام میرٹ پر بغیر سیاسی افادیت کے شروع کیا گیا ہے، سندھ میں کٹوتی اور ایجنٹس مافیا کی شکایتیں بھی موصول ہوئی ہیں، سندھ حکومت کریڈٹ لینے کے لئے ہی انتظام بہتر کرا دے، ڈی جی رینجرز سندھ بھر میں سینٹرز پر رینجرز کو تعینات کریں، سندھ کی عوام کے لئے وزیراعظم مزید اہم پروگرام لا رہے ہیں۔

خبر کا کوڈ: 855893