اسلام ٹائمز - صدر کا دورہ جی بی ایئرپورٹ تک ہی محدود رہا

اتوار کے روز ڈاکٹر عارف علوی ایک روزہ دورے پر جی بی پہنچے۔ گلگت ایئرپورٹ پر تقریب منعقد کی گئی جہاں انہوں نے خطاب کیا۔ اس کے بعد وہ سکردو روانہ ہو گئے اور سکردو ایئرپورٹ پر ہی میٹنگ بلائی گئی جس کے بعد وہ واپس گلگت ایئرپورٹ آئے جہاں سے اسلام آباد روانہ ہو گئے۔

اسلام ٹائمز۔ صدر مملکت ڈاکٹر عارف علوی اپنے دورہ گلگت بلتستان کے دوران ایئرپورٹ سے ہی واپس اسلام آباد روانہ ہو گئے۔ اتوار کے روز ڈاکٹر عارف علوی ایک روزہ دورے پر جی بی پہنچے تھے۔ گلگت ایئرپورٹ پر تقریب منعقد کی گئی جہاں انہوں نے خطاب کیا۔ اس کے بعد وہ سکردو روانہ ہو گئے اور سکردو ایئرپورٹ پر ہی میٹنگ بلائی گئی جس میں انہیں کرونا وائرس کی موجودہ صورتحال پر بریفنگ دی گئی۔ صدر مملکت ڈاکٹر عارف علوی سکردو ایئرپورٹ سے واپس گلگت ایئرپورٹ پہنچے جہاں دوپہر کا کھانا کھایا اور وہیں سے ہی اسلام آباد روانہ ہوگئے۔ اس سے پہلے بتایا گیا تھا کہ صدر مملکت متاثرین میں امدادی سامان تقسیم کرینگے۔ تاہم ان کا دورہ ایئرپورٹ پر ہی فوٹو سیشن تک محدود رہا۔