اسلام ٹائمز - مظفرآباد، علامہ تصور جوادی کیجانب سے سرکاری اہلکاروں میں پانی کی بوتلیں تقسیم

مظفرآباد، علامہ تصور جوادی کیجانب سے سرکاری اہلکاروں میں پانی کی بوتلیں تقسیم

سیکرٹری جنرل ایم ڈبلیو ایم آزاد کشمیر نے پولیس آفیسران، اہلکاران اور سول ڈیفنس کے عملے سے گفتگو کرتے ہوئے کہا کہ آپ موسم کی پروا کیے بغیر جس ہمت اور جوان مردی سے حالات کا ڈٹ کر مقابلہ اور لاک ڈاون کو یقینی بنا رہے ہیں یہ بات ثابت کرتی ہے کہ آپ لوگ ہی قوم کے ہیرو ہیں۔

اسلام ٹائمز۔ مجلس وحدت مسلمین آزاد کشمیر کے سیکرٹری جنرل علامہ سید تصور حسین الجوادی نے پولیس اہلکاروں، سول ڈیفنس و دیگر ادارے جو اس لاک ڈاؤن میں مختلف مقامات (مُوری گوجرہ، بیلا نور شاہ، بانڈی سماں، چہلہ پل، سی ایم ایچ سٹاپ، نیلم پل، عزیز چوک، آزادی چوک، علمدار چوک اور زیرو پوائنٹ) پر اپنی ذمہ داریاں سرانجام دے رہے ہیں، میں پانی کی کی بوتلیں تقسیم کیں۔ اس موقع پر علامہ جوادی نے پولیس آفیسران، اہلکاران اور سول ڈیفنس کے عملے سے گفتگو کرتے ہوئے انہیں شاندار الفاظ میں خراج تحسین پیش کیا۔

ان کا کہنا تھا کہ آپ موسم کی پروا کیے بغیر جس ہمت اور جوان مردی سے حالات کا ڈٹ کر مقابلہ اور لاک ڈاون کو یقینی بنا رہے ہیں، یہ بات ثابت کرتی ہے کہ آپ لوگ ہی قوم کے ہیرو ہیں، پوری قوم خصوصاً مجلس وحدت مسلمین آزاد کشمیر، المجلس ڈیزاسٹر مینجمنٹ سیل آزاد کشمیر آپ کی انتھک ڈیوٹی کو قدر کی نگاہ سے دیکھتا ہے۔ اس موقع پر اہلکاروں نے ان کی کاوشوں کو سراہتے ہوئے داد تحسین پیش کی اور علامہ جوادی اور ان کی پوری ٹیم کا شکریہ ادا کیا۔ علامہ جوادی کے ہمراہ ڈپٹی سیکرٹری جنرل آغا سید طالب حسین ہمدانی، سیکرٹری تنظیم سازی صوبیدار (ر) سید فدا حسین نقوی، کوارڈینیٹر ایمپلائز ونگ سید ممتاز حسین نقوی کے علاوہ سیکرٹری روابط سید عامر نقوی بھی موجود تھے۔