کورونا وائرس کا علاج زیادہ مہنگا نہیں ہوگا، ڈاکٹر شوکت علی
14 Apr 2020 13:29
نجی ٹی وی کے مارننگ شو میں کورونا وائرس کے علاج اور ویکسین کی قیمت سے متعلق بات کرتے ہوئے ڈاؤ یونیورسٹی کے ڈاکٹر شوکت کا کہنا تھا کہ ہمیں ریگولیٹر اور صحتیاب مریضوں سے تعاون درکار ہوگا اور کورونا وائرس کی دوائی کے لیے ریگولیٹرز کی شرائط سے بھی آگاہ ہیں، جبکہ کوشش ہے ریگولیٹر کی ضرورت جو بھی ہو اس کی تعمیل کرسکیں۔
اسلام ٹائمز۔ ڈاؤ یونیورسٹی کے ڈاکٹر شوکت علی کا کہنا ہے کہ کورونا وائرس کا علاج زیادہ مہنگا نہیں ہوگا، کورونا کے لیے دوا کی قیمت خناق اور ریبیز کی ویکسین جیسی ہی ہوگی۔ ڈاؤ یونیورسٹی کے ڈاکٹر شوکت نے نجی ٹی وی کے مارننگ شو میں کورونا وائرس کے علاج اور ویکسین کی قیمت سے متعلق بات کرتے ہوئے کہا ہے کہ کورونا وائرس کے علاج کے لیے صحت یاب مریضوں سے اینٹی باڈیز حاصل کی گئیں ہیں اور کورونا وائرس کے علاج کے لیے سیفٹی اسٹڈی جانور پر کی گئی ہے، جبکہ اس مرحلے پر پہنچ گئے ہیں کہ صحتیاب مریض کے پلازما سے اینٹی باڈیز الگ کر سکتے ہیں۔
خبر کا کوڈ: 856598