کورونا وائرس کا علاج زیادہ مہنگا نہیں ہوگا، ڈاکٹر شوکت علی

ڈاکٹر شوکت نے کہا ہے کہ اینٹی باڈیز کو مزید شفاف بنا کر فارمولیشن بنا سکتے ہیں جو محفوظ بھی ہے۔ انہوں نے مزید کہا کہ ہمیں ریگولیٹر اور صحتیاب مریضوں سے تعاون درکار ہوگا اور کورونا وائرس کی دوائی کے لیے ریگولیٹرز کی شرائط سے بھی آگاہ ہیں، جبکہ کوشش ہے ریگولیٹر کی ضرورت جو بھی ہو اس کی تعمیل کرسکیں۔ ڈاکٹر شوکت علی کا کہنا تھا کہ کوشش ہے ڈریپ کی ممکنہ مطلوبہ ضروریات پہلے سے مکمل کر لیں۔ڈاکٹر شوکت علی کا مزید کہنا تھا کہ کورونا کے علاج کے لیے خام مال صحت یاب مریض کا پلازما ہوگا اور دوا کی تیاری صحت یاب مریضوں کےخون کی دستیابی پر منحصر ہے۔ انہوں نے کہا کہ زیادہ متاثرہ کیسز میں کورونا وائرس کے علاج کا طریقہ کار استعمال کیا جائے گا۔ واضح رہے کہ گذشتہ روز ڈاؤ یونیورسٹی کے ماہرین نے کورونا کے علاج کے لیے ویکیسن تیار کرنے کا دعویٰ کیا تھا۔