QR Code

مولانا منیب کو اتنا بڑا چاند نظر نہیں آتا، اتنا چھوٹا کرونا وائرس کہاں سے نظر آنا ہے؟ فواد چوہدری

15 Apr 2020 20:48

سماجی رابطوں کی ویب سائٹ ٹوئٹر سے جاری اپنے پیغام میں وفاقی وزیر سائنس و ٹیکنالوجی نے لکھا ہے کہ ہم نے وزارت مذہبی امور کی توجہ دلائ ہے کہ آپکی وزارتی کمیٹی کے سربراہ اگر حکومتی احکامات کا یوں مذاق اڑائیں گے تو باقیوں سے کیا توقع۔؟

اسلام ٹائمز۔ وفاقی وزیر سائنس و ٹیکنالوجی فواد چوہدری نے کہا ہے کہ مولانا منیب الرحمنٰ ہمارے بزرگ ہیں، ہمیں احترام ہے، لیکن ان کو اتنا بڑا چاند نظر نہیں آتا، اتنا چھوٹا کرونا وائرس کہاں سے نظر آنا ہے۔؟ سماجی رابطوں کی ویب سائٹ ٹوئٹر سے جاری اپنے پیغام میں انہوں نے لکھا ہے کہ ہم نے وزارت مذہبی امور کی توجہ دلائی ہے کہ آپ کی وزارتی کمیٹی کے سربراہ اگر حکومتی احکامات کا یوں مذاق اڑائیں گے تو باقیوں سے کیا توقع۔؟ ان کا مزید کہنا تھا کہ جہاں تک رمضان کا تعلق ہے 24 اپریل کو رمضان کا چاند نظر آجائیگا اور ان شاء اللہ 25 اپریل کو پہلا روزہ ہوگا۔ انہوں نے کہا کہ پہلے ارادہ تھا اس بار لوگوں کو اکٹھا کریں گے چاند دیکھنے کیلئے لیکن اب کرونا نے ہر اجتماع کینسل کرا دیا۔ ان شاء اللہ اگلے سال موقع ملا تو چاند رات کی تقریبات کریں گے۔
 

خبر کا کوڈ: 856919