QR Code

سندھ حکومت کا ٹائیگر فورس کو کورونا ریلیف سرگرمیوں میں شامل کرنے سے انکار

19 Apr 2020 17:35

صوبائی وزیر توانائی امتیاز شیخ نے کہا کہ ٹائیگر فورس سیاسی کارکنوں پر مشتمل ہے، لہٰذا ٹائیگر فورس کے رضاکاروں کو ریلیف آپریشن میں شامل نہیں کرسکتے۔

اسلام ٹائمز۔ حکومتِ سندھ نے ٹائیگر فورس کو کورونا ریلیف سرگرمیوں میں شامل کرنے سے انکار کر دیا۔ صوبائی وزیر توانائی امتیاز شیخ کا کہنا ہے کہ سندھ حکومت نے کورونا ریلیف کی تمام سرگرمیوں کو غیر سیاسی رکھا ہے، ریلیف کے کاموں میں غیر سیاسی، اچھی شہرت کے افراد کو رکھا گیا ہے، کورونا، لاک ڈاؤن سے متاثرہ افراد کی مدد غیر سیاسی کام ہے۔ صوبائی وزیر نے کہا کہ ہمارا کوئی سیاسی ایجنڈا نہیں، مشکل وقت میں عوام کی خدمت کرنا ہے، ٹائیگر فورس سیاسی کارکنوں پر مشتمل ہے، لہٰذا ٹائیگر فورس کے رضاکاروں کو ریلیف آپریشن میں شامل نہیں کرسکتے، سندھ میں ٹائیگر فورس کی سرگرمیاں ہمیں کہیں نظر نہیں آرہیں، جبکہ ٹائیگر فورس رضاکاروں کو راشن کی تقسیم میں بھی شامل نہ کرنے کا فیصلہ کیا گیا ہے۔

خبر کا کوڈ: 857660