QR Code
جی بی کی ماتحت عدالتوں میں معمول کے مقدمات کی سماعت 26 اپریل تک ملتوی
19 Apr 2020 21:33
چیف کورٹ گلگت بلتستان کے چیف جج ملک حق نواز نے جی بی میں کرونا وائرس کے پھیلائو کے پیش نظر چیف کورٹ اور ماتحت عدالتوں میں معمول کے مقدمات کی سماعت 26 اپریل تک بند کرنے اور ہنگامی نوعیت کے مقدمات کی سماعت کیلئے روسٹر ججز کی ڈیوٹیاں لگانے کی منظوری دیدی۔
اسلام ٹائمز۔ چیف کورٹ گلگت بلتستان کے چیف جج ملک حق نواز نے جی بی میں کرونا وائرس کے پھیلائو کے پیش نظر چیف کورٹ اور ماتحت عدالتوں میں معمول کے مقدمات کی سماعت 26 اپریل تک بند کرنے اور ہنگامی نوعیت کے مقدمات کی سماعت کیلئے روسٹر ججز کی ڈیوٹیاں لگانے کی منظوری دیدی۔ رجسٹرار چیف کورٹ ملک عنایت الرحمن نے چیف جج کی منظوری سے چیف کورٹ اور ماتحت عدالتوں کو 26 اپریل تک معمول کے مقدمات کی سماعت کیلئے بند کرنے اور ہنگامی نوعیت کے مقدمات کی سماعت کیلئے روسٹر ججز کی تعیناتیوں کا باقاعدہ نوٹیفکیشن جاری کرتے ہوئے ہنگامی نوعیت کے مقدمات کی پیروی کیلئے عدالتوں میں پیش ہونے والے وکلاء کو ماسک سمیت دیگر احتیابی تدابیر کو لازمی قرار دیا ہے۔
خبر کا کوڈ: 857681