QR Code

چمن بارڈر پر پھنسے پاکستانی ڈرائیورز اور کلینرز کو فوری پاکستان آنیکی اجازت دی جائے، عامر آفریدی

24 Apr 2020 23:50

خیبر یوتھ فورم کے صدر کا کہنا ہے کہ رابطہ کرنے پر ایک ڈرائیور نے بتایا کہ ڈیڑھ مہینے سے ہم بارڈر پر پھنسے ہوئے ہیں جتنی رقم اور راشن تھی وہ ختم ہوچکی ہے، بیابان میں کھلے آسمان تلے بیھٹے ہوئے ہیں۔

اسلام ٹائمز۔ خیبر یوتھ فورم کے صدر عامر آفریدی نے کہا ہے کہ کرؤنا وائرس کی وجہ سے حکومت نے افغانستان کے ساتھ اپنا بارڈر بند کیا ہے، جس کی وجہ سے سینکڑوں پاکستانی ڈرائیورز اور کلینرز پھنسے ہوئے ہیں، رابطہ کرنے پر ایک ڈرائیور نے بتایا کہ ڈیڑھ مہینے سے ہم بارڈر پر پھنسے ہوئے ہیں جتنی رقم اور راشن تھی وہ ختم ہوچکی ہے، بیابان میں کھلے آسمان تلے بیھٹے ہوئے ہیں، کوئی ہماری آہ و فریاد نہیں سن رہا۔ رمضان کا مہینہ شروع ہوگیا ہے اور ہماری مشکلات بڑھ رہی ہیں، ہماری وجہ سے ہمارے گھر والے بھی بڑے پریشان ہیں۔ عامر آفریدی نے بتایا کہ اگر حکومت فوری طور پر ان مسافروں کو نہ لائی تو ہم مجبوراً احتجاج کا راستہ اپنائیں گے۔

خبر کا کوڈ: 858781