اسلام ٹائمز - جی بی میں کرونا کے 3 نئے مریض، 4 صحت یاب

محکمہ صحت کے مطابق کرونا وائرس کے نئے کیسز میں گلگت میں مقیم چلاس سے تعلق رکھنے والی ایک خاتون سمیت 3 مریض شامل ہیں۔ گلگت بلتستان میں کرونا وائرس کے ٹوٹل 333 کیسز اب تک سامنے آچکے ہیں جن میں فعال کیسز کی تعداد 102 ہے۔

اسلام ٹائمز۔ گلگت بلتستان میں مذید 3 افراد میں کرونا وائرس کی تصدیق ہو گئی ہے جبکہ 4 افراد صحت یاب ہو گئے۔ محکمہ صحت کے مطابق کرونا وائرس کے مثبت نتائج نکلنے والے نمونوں میں گلگت میں مقیم چلاس سے تعلق رکھنے والی ایک خاتون سمیت 3 مریض شامل ہیں۔ گلگت بلتستان میں کرونا وائرس کے ٹوٹل 333 کیسز اب تک سامنے آچکے ہیں جن میں فعال کیسز کی تعداد 102 ہے۔ ان میں سے ضلع استور کے45، ضلع گلگت کے 38، ضلع نگر کے 9، ضلع دیامر کے 5، سکردو کے 4 اور گانچھے کا 1 مریض شامل ہے جو کہ قرنطینہ مراکز میں زیر علاج ہیں جبکہ کرونا سے ضلع گلگت کے تین اور ضلع استور کا ایک مریض صحت یاب ہو گیا ہے، صحت یاب ہونے والے افراد کی مجموعی تعداد 228 ہو چکی ہے۔