QR Code

امدادی پیکج میں شامل کرنے کیلئے جی بی سے 27 ہزار مزدوروں کا ڈیٹا وفاق کو ارسال

30 Apr 2020 15:15

لاک ڈائون سے متاثرہ دیہاڑی دار مزدوروں کیلئے وزیر اعظم عمران خان نے خصوصی پیکج کا اعلان کیا تھا جس کیلئے 200 ارب روپے مختص کیے گئے ہیں۔

اسلام ٹائمز۔ گلگت بلتستان میں روزانہ اجرت پر کام کرنے والے 27 ہزار مزدوروں کا ڈیٹا وفاق کو بھیج دیا گیا۔ صوبائی لیبر ڈیپارٹمنٹ کی جانب سے ڈیٹا اکھٹا کیا گیا ہے۔ یاد رہے کہ لاک ڈائون سے متاثرہ دیہاڑی دار مزدوروں کیلئے وزیر اعظم عمران خان نے خصوصی پیکج کا اعلان کیا تھا جس کیلئے 200 ارب روپے مختص کیے گئے ہیں۔ کرونا وائرس اور لاک ڈائون کی وجہ سے مزدور طبقہ سب سے زیادہ متاثر ہو رہا ہے۔ جن کی امداد کیلئے عمران خان نے پیکج کا اعلان کیا۔ جی بی سے ستائیس ہزار مزدوروں کا ڈیٹا امدادی پیکج میں شامل کرنے کیلئے وفاق بھجوا دیا گیا ہے۔

خبر کا کوڈ: 859922