QR Code

کراچی میں 4 روزہ ہیٹ ویو جاری

5 May 2020 15:56

زیادہ سے زیادہ درجہ حرارت 38 ڈگری سینٹی گریڈ تک ریکارڈ کیا گیا، جبکہ گرمی کی شدت 42 ڈگری تک محسوس کی گئی۔

اسلام ٹائمز۔ شہر قائد میں 4 روزہ ہیٹ ویو کا آج پہلا روز ہے، آج شہر کا زیادہ سے زیادہ درجہ حرارت 38 ڈگری سینٹی گریڈ ریکارڈ کیا گیا۔ محکمہ موسمیات کے مطابق شہر میں سمندری ہوائیں بند ہیں، تاہم جنوب مغربی کے بجائے شمال مغربی ہوائیں چلنے لگیں۔ آج زیادہ سے زیادہ درجہ حرارت 38 ڈگری سینٹی گریڈ تک ریکارڈ کیا گیا، جبکہ گرمی کی شدت 42 ڈگری تک محسوس کی گئی۔ محکمہ موسمیات کا کہنا ہے کہ آج دن بھر موسم گرم اور خُشک رہے گا۔ خوش قسمتی سے شہر کا درجہ حرارت 41 ڈگری سینٹی گریڈ تک نہیں گیا، جس کا امکان ظاہر کیا جا رہا تھا۔ واضح رہے کہ محکمہ موسمیات نے شہر قائد میں 5 مئی سے 8 مئی تک ہیٹ ویو کی پیش گوئی کی ہے۔ محکمہ موسمیات کا کہنا ہے کہ تین دنوں کے دوران درجہ حرارت 40 ڈگری سے 42 ڈگری تک رہنے کی توقع ہے، جبکہ ہیٹ ویو کے دوران سمندری ہوائیں دن کے اوقات میں معطل رہیں گی۔

خبر کا کوڈ: 860846