اسلام ٹائمز - امریکہ اور اسکے اتحادی پوری دنیا پر اپنا نکتۂ نظر تھونپنا چاہتے ہیں، روس

امریکہ اور اسکے اتحادی پوری دنیا پر اپنا نکتۂ نظر تھونپنا چاہتے ہیں، روس

روسی وزیر خارجہ سرگئے لاؤروف نے کرونا وائرس کے پھیلاؤ کے حوالے سے امریکہ کیطرف سے چین پر عائد کئے گئے الزامات کو بے بنیاد قرار دیتے ہوئے تاکید کی ہے کہ یکطرفہ پابندیاں موجودہ بحران کے دوران صرف اور صرف انسانی امداد کی ترسیل میں ہی رکاوٹ بنیں گی۔

اسلام ٹائمز۔ روسی وزیر خارجہ سرگئے لاؤروف نے کرونا وائرس کے پھیلاؤ کے حوالے سے امریکہ کی طرف سے چین پر عائد کئے گئے الزامات کو بے بنیاد قرار دیتے ہوئے تاکید کی ہے کہ یکطرفہ پابندیاں موجودہ بحران کے دوران صرف اور صرف انسانی امداد کی ترسیل میں ہی رکاوٹ بنیں گی۔ روسی وزیر خارجہ نے کہا کہ اس حوالے سے موجودہ وبائی بحران کے دوران امریکہ اور اس کے اتحادی جنگ کے طبلے بجا رہے ہیں اور موجودہ بحران کو دنیا بھر پہ اپنا نکتۂ نظر تھونپنے کے لئے بہترین موقع قرار دے رہے ہیں۔ سرگئے لاوروف نے کہا کہ پوری دنیا پر اپنے نکتۂ نظر کو لاگو کرنے کے لئے امریکی گو کہ ایک قانونی نظام استعمال کرتے ہیں لیکن یہ نہیں بھولنا چاہئے کہ اس نظام کے قوانین بنانے والے بھی تمام کے تمام امریکی ہی ہیں۔