اسلام ٹائمز - وہ نواز شریف ہی ہے جس نے اس دھرتی کو سنوارا ہے، مریم نواز

وہ نواز شریف ہی ہے جس نے اس دھرتی کو سنوارا ہے، مریم نواز

یوم تکبیر پر اپنے بیان میں لیگی رہنما کا کہنا ہے کہ یوم تکبیر ہر سال نواز شریف کی اپنی مٹی سے وفا کی داستان سناتا ہے، وہ داستان جو وفاؤں سے شروع ہو کر جعلی سزاؤں پر ختم ہوتی ہے۔ سوشل میڈیا پر بیان میں مریم نواز نے کہا ہے کہ سلام ہے نواز شریف پر کہ کوئی مشکل، کوئی قربانی نواز شریف کی خدمت کی راہ میں رکاوٹ نہیں بنی، پاکستان زندہ باد۔

مسلم لیگ (ن) کی رہنما مریم نواز شریف نے یوم تکبیر کے حوالے سے کہا ہے کہ یوم تکبیر ہر سال نواز شریف کی اپنی مٹی سے وفا کی داستان سناتا ہے، وہ داستان جو وفاؤں سے شروع ہو کر جعلی سزاؤں پر ختم ہوتی ہے۔ سوشل میڈیا پر بیان میں مریم نواز نے کہا ہے کہ سلام ہے نواز شریف پر کہ کوئی مشکل، کوئی قربانی نواز شریف کی خدمت کی راہ میں رکاوٹ نہیں بنی، پاکستان زندہ باد۔ مریم نواز نے ایک اور ٹویٹ میں لکھا کہ پوچھو اس دھرتی کی مٹی کے اک اک ذرے سے، اس کے دریاؤں میں بہتے پانیوں کی اک اک بوند سے، کہ کون ہے جس نے اس چمن کو سنوارا ہے، اس کی سرحدوں کوناقابل تسخیر بنایا ہے، وہ کون ہے جو سب قربان کر کے بھی عہد وفا نبھا رہا ہے اور نبھاتا رہے گا، بس ایک ہی جواب آئے گا، سلام نواز شریف۔