اسلام ٹائمز - برطانیہ کا پاکستان کیلئے امداد کا اعلان

پاکستان میں تعینات برطانوی ہائی کمشنر ڈاکٹر کرسچن ٹرنر نے ایک ویڈیو پیغام میں کہا کہ برطانیہ اور پاکستان کی مضبوط دوستی کی نشانی کے طور پر برطانیہ پاکستان کو کورونا وائرس سے جنگ کے لیے 4.39 ملین پاؤنڈز کی مزید امداد دے گا۔

اسلام ٹائمز۔ برطانیہ نے کورونا وائرس سے جنگ اور ضرورت مندوں کی مدد کے لیے پاکستان کے لیے 4.39 ملین پاؤنڈز کی امداد کا اعلان کیا ہے۔پاکستان میں تعینات برطانوی ہائی کمشنر ڈاکٹر کرسچن ٹرنر نے ایک ویڈیو پیغام میں کہا کہ برطانیہ اور پاکستان کی مضبوط دوستی کی نشانی کے طور پر برطانیہ پاکستان کو کورونا وائرس سے جنگ کے لیے 4.39 ملین پاؤنڈز کی مزید امداد دے گا۔ انہوں نے کہا کہ پاکستان نے کورونا وائرس سے مقابلے کے لیے انٹرنیشنل لیڈر شپ کا مظاہرہ کیا ہے۔ برطانوی ہائی کمشنر نے مزید کہا کہ پاکستان نے معیشت کی بحالی کے ساتھ ضرورت مندوں کی صحت اور حفاظت کا بھی خیال رکھا ہے۔