اسلام ٹائمز - شہریار آفریدی کا کورونا ٹیسٹ مثبت آ گیا

اپنے سوشل میڈیا اکاؤنٹ کے ذریعے شہریار آفریدی نے عوام کو اطلاع دی کہ ان کا کورونا وائرس کا ٹیسٹ مثبت آ گیا ہے جس کہ بعد انھوں نے خود کو گھر میں قرنطینہ کر لیا ہے۔

اسلام ٹائمز۔ پاکستان تحریک انصاف کے رہنما اور وزیر مملکت شہریار آفریدی کورونا وائرس میں مبتلا ہو گئے۔ انہوں نے خود کو گھر میں آئسولیٹ کر لیا ہے۔ اپنے سوشل میڈیا اکاؤنٹ کے ذریعے شہریار آفریدی نے عوام کو اطلاع دی کہ ان کا کورونا وائرس کا ٹیسٹ مثبت آ گیا ہے جس کہ بعد انھوں نے خود کو گھر میں الگ تھلگ کر لیا ہے۔ انہوں نے اپنے پیغام میں لکھا کہ ﷲ تعالیٰ سے دعا ہے کہ پاکستان کو اس بیماری سے محفوظ بنائے۔ پاکستان تحریک انصاف کے رہنما زلفی بخاری نے شہریار آفریدی کے لئے نیک خواہشات کا اظہار کرتے ہوئے ان کی جلد صحت یابی کے لئے دعا کی ہے۔