QR Code

قادیانیوں کی اقلیتی کمیشن میں شمولیت کا معاملہ، مجلس احرار فریق بن گئی

2 Jun 2020 19:51

شہداء فاوَنڈیشن اسلام آباد نے قومی اقلیتی کمیشن میں قادیانیوں کو شامل نہ کرنے کے فیصلے کیخلاف جو پٹیشن دائر کی تھی، اس میں مجلس احرار اسلام پاکستان کے سیکرٹری جنرل عبداللطیف خالد چیمہ کی جانب سے دائر درخواست میں استدعاء کی گئی ہے کہ ان کو اس کیس میں فریق بننے کی اجازت دی جائے۔

اسلام ٹائمز۔ قادیانیوں کو قومی اقلیتی کمیشن میں شامل نہ کرنے کے حکومتی فیصلے کیخلاف شہداء فاوَنڈیشن اسلام آباد کی پٹیشن میں مجلس احرار اسلام نے عدالت کی معاونت کیلئے فریق بننے کیلئے درخواست جمع کرا دی ہے۔ تفصیلات کے مطابق شہداء فاوَنڈیشن اسلام آباد نے قومی اقلیتی کمیشن میں قادیانیوں کو شامل نہ کرنے کے فیصلے کیخلاف جو پٹیشن دائر کی تھی، اس میں مجلس احرار اسلام پاکستان کے سیکرٹری جنرل عبداللطیف خالد چیمہ کی جانب سے دائر درخواست میں استدعاء کی گئی ہے کہ ان کو اس کیس میں فریق بننے کی اجازت دی جائے۔ عدالت نے شہداء فاوَنڈیشن کی درخواست قابل سماعت ہونے سے متعلق 4 جون کو مزید دلائل طلب کر رکھے ہیں۔ گزشتہ سماعت کے موقع پر عدالت نے شہداء فاوَنڈیشن پر کئی سوالات بھی اٹھائے تھے۔

خبر کا کوڈ: 866217