QR Code

9 کشمیری نوجوانوں کی شہادت ظلم کی انتہا ہے، شبلی فراز

9 Jun 2020 12:08

اپنے ایک بیان میں وفاقی وزیر اطلاعات کا کہنا ہے کہ نہتے کشمیریوں پر مظالم بھارتی جرائم کا منہ بولتا ثبوت ہیں جس کا اقوام عالم کو ہر صورت نوٹس لینا ہو گا۔

اسلام ٹائمز۔ وفاقی وزیر اطلاعات و نشریات شبلی فراز کا کہنا ہے کہ نہتے کشمیریوں پر مظالم بھارتی جرائم کا منہ بولتا ثبوت ہیں جس کا اقوام عالم کو ہر صورت نوٹس لینا ہو گا۔ اپنی ٹوئٹ میں شبلی فراز کا کہنا تھا کہ قابض بھارتی افواج کے ہاتھوں 9 کشمیری نوجوانوں کی شہادت ظلم کی انتہا ہے۔ اپنے جمہوری حق کے لئے سراپا احتجاج نہتے کشمیریوں پر پیلٹ گنز، آنسو گیس اور دیگر مظالم انسانیت کے خلاف بھارتی جرائم کا منہ بولتا ثبوت ہیں جس کا اقوام عالم کو ہر صورت نوٹس لینا ہوگا۔ وفاقی وزیر کا کہنا تھا کہ بھارت جبرو استبداد سے کشمیریوں کے خودارادیت کے حق کی عظیم جدوجہد کا راستہ نہیں روک سکتا۔ کشمیری اپنی منزل حاصل کر کے رہیں گے۔ دنیا کورونا وبا سے برسرپیکار ہے تو دوسری جانب بھارت مظلوموں پر ستم ڈھا کر بنیادی انسانی حقوق روند رہا ہے۔ بھارت کا انتہا پسند چہرہ دنیا پر بے نقاب ہو چکا ہے۔

خبر کا کوڈ: 867504