اسلام ٹائمز - فیصل آباد میں 13 روز کے لیے لاک ڈاؤن

نوٹیفکیشن کے مطابق فیصل آباد کے 23 رہائشی علاقوں اور کاروباری مراکز میں 30 جون رات 9 بجے تک لاک ڈاؤن ہو گا۔

اسلام ٹائمز۔ فیصل آباد میں کورونا وائرس کا پھیلاؤ روکنے کے لیے دفعہ 144 کے تحت مختلف علاقوں میں 13روز کیلئے لاک ڈاؤن کر دیا گیا ہے۔ نوٹیفکیشن کے مطابق فیصل آباد کے 23 رہائشی علاقوں اور کاروباری مراکز میں 30 جون رات 9 بجے تک لاک ڈاؤن ہو گا۔ نوٹیفکیشن کے مطابق گھنٹہ گھر کے 8 بازاروں اور ملحقہ مارکیٹوں میں لاک ڈاؤن کیا گیا جس میں جھال مارکیٹ، وارث پورہ گول چوک، ڈی ٹائپ کالونی، منڈی کوارٹر شامل ہیں۔علامہ اقبال کالونی، رضا آباد، سمن آباد، غلام محمد آباد، منصور آباد میں لاک ڈاؤن کیا گیا جبکہ تحصیل صدر میں ڈجکوٹ، سدھار، پینسرہ، امین پور بنگلہ کے رہائشی اور کاروباری مراکز سیل کر دیے گئے۔ تحصیل جڑانوالہ میں سٹی جڑانوالہ، کھرڑیانوالہ اور مین بازار مکوآنہ جبکہ تحصیل تاندلیانوالہ میں موبائل مارکیٹ اور ریل بازار ون اور ٹو میں بھی لاک ڈاؤن کیا گیا۔ تحصیل چک جھمرہ میں مین بازار، تحصیل سمندری میں کچہری بازار، نہر بازار، چکی بازار اور مین بازار شامل ہیں۔