QR Code

شمالی وزیرستان، سکیورٹی فورسز کی پٹرولنگ پارٹی پر فائرنگ، کیپٹن اور سپاہی شہید

21 Jun 2020 17:43

آئی ایس پی آر کا کہنا ہے کہ دہشت گردوں کی پناہ گاہ کا صفایا کر دیا گیا ہے، دہشتگردوں نے شمالی اور جنوبی وزیرستان کے سرحدی علاقے گھڑیال کے قریب سکیورٹی فروسز کی پٹرولنگ پارٹی کو نشانہ بنایا، فائرنگ کے تبادلے میں ایک دہشتگرد بھی مارا گیا ہے۔

اسلام ٹائمز۔ دہشت گردوں نے سکیورٹی فورسز کی پٹرولنگ پارٹی پر حملہ کیا ہے جس میں ایک کیپٹن اور سپاہی شہید، جبکہ دو سپاہی شدید زخمی ہوئے ہیں۔ فائرنگ کے تبادلے میں ایک دہشت گرد بھی مارا گیا ہے۔ آئی ایس پی آر کے مطابق شمالی وزیرستان میں دہشت گردوں کی سکیورٹی فورسز کی پٹرولنگ پارٹی پر فائرنگ سے کیپٹن صبیح اور سپاہی نوید شہید ہوگئے، جبکہ فائرنگ کے تبادلے میں دو سپاہی شدید زخمی ہوئے۔ آئی ایس پی آر کا کہنا ہے کہ دہشت گردوں کی پناہ گاہ کا صفایا کر دیا گیا ہے، دہشت گردوں نے شمالی اور جنوبی وزیرستان کے سرحدی علاقے گھڑیال کے قریب سکیورٹی فروسز کی پٹرولنگ پارٹی کو نشانہ بنایا، فائرنگ کے تبادلے میں ایک دہشت گرد بھی مارا گیا ہے۔

خبر کا کوڈ: 869971