QR Code

لداخ میں کسی بڑی جنگ کا امکان نہیں ہے، مسعود خان

23 Jun 2020 11:04

ورچوئل کانفرنس سے خطاب کرتے ہوئے آزادکشمیر کے صدر کا کہنا تھا کہ ہو سکتا ہے بھارت اور چین کچھ شعبوں میں ہم پلہ ہوں لیکن کئی شعبوں میں چین بھارت سے بہت آگے ہے۔

اسلام ٹائمز۔  لداخ میں چین کی پیپلز لبریشن آرمی کے ہاتھوں بھارتی فوج کی فیصلہ کن شکست اور اس کے بعد بھارت کا محتاط اور خاموش ردعمل یہ ظاہر کرتا ہے کہ دونوں ملکوں کے درمیان فوجی ڈیڈلاک اور فعال جھڑپوں کے باوجود کسی بڑی جنگ کا کوئی امکان نہیں ہے۔ یہ بات آزادکشمیر کے صدر سردار مسعود خان نے ‘‘چین، بھارت سٹینڈ آف اور اس کے پاکستان اور تحریک آزادی کشمیر کیلئے مضمرات’’ کے موضوع پر ورچوئل کانفرنس سے خطاب کرتے ہوئے کہی۔ سردار مسعود خان نے مزید کہا کہ بھارت نے چین کی پیپلز لبریشن آرمی کے آہنی عزم اور پیشہ ورانہ صلاحیت کا غلط اندازہ لگایا تھا، ہو سکتا ہے بھارت اور چین کچھ شعبوں میں ہم پلہ ہوں لیکن کئی شعبوں میں چین بھارت سے بہت آگے ہے۔ چین کے پاس تین سو بیس ایٹمی وار ہیڈز جبکہ بھارت کے پاس صرف ایک سو پچاس ہیں۔ چین کی پیپلز لبریشن آرمی کی تعداد سولہ لاکھ جبکہ بھارت کے پاس بارہ لاکھ کے لگ بھگ آرمی ہے۔

خبر کا کوڈ: 870312