QR Code
وزیر خارجہ مخدوم شاہ محمود قریشی کا علامہ طالب جوہری کے انتقال پر اظہار تعزیت
23 Jun 2020 17:47
شاہ محمود قریشی نے اپنے بیان میں کہا کہ علامہ طالب جوہری کی عالم اسلام کے لیے خدمات قابل تحسین ہیں، انہوں نے اپنی گفتار اور کردار کے ذریعے شیعہ سنی مسلمانوں کے درمیان اتحاد ویکجہتی کی فضا قائم کی۔
اسلام ٹائمز۔ وزیر خارجہ مخدوم شاہ محمود قریشی نے معروف عالم دین علامہ طالب جوہری کے انتقال پر گہرے دکھ اور افسوس کا اظہار کرتے ہوئے کہا ہے کہ علامہ طالب جوہری کی علمی، ادبی اور دینی خدمات کو ہمیشہ یاد رکھا جائے گا۔ وزیر خارجہ مخدوم شاہ محمود قریشی نے مرحوم کے لواحقین سے دلی تعزیت کا اظہار اور مرحوم کی مغفرت اور بلندی درجات کے لئے خصوصی دعا کی ہے۔ شاہ محمود قریشی نے اپنے بیان میں کہا کہ علامہ طالب جوہری کی عالم اسلام کے لیے خدمات قابل تحسین ہیں، انہوں نے اپنی گفتار اور کردار کے ذریعے شیعہ سنی مسلمانوں کے درمیان اتحاد ویکجہتی کی فضا قائم کی۔
خبر کا کوڈ: 870420