QR Code
خیبر پختونخوا میں ایک اور ڈاکٹر کورونا وائرس کے باعث جاں بحق
30 Jun 2020 21:11
ای این ٹی اسپیشلسٹ ڈاکٹر گل جان مرجان کا 15 روز قبل کورونا وائرس کا ٹیسٹ مثبت آیا تھا۔ وہ مفتی محمود میموریل ہسپتال ڈی آئی خان کے آئسولیشن وارڈ میں زیر علاج تھے۔
اسلام ٹائمز۔ خیبر پختونخوا میں ایک اور ڈاکٹر کورونا وائرس وبا کی لپیٹ میں آکر جان کی بازی ہار گیا۔ صوبائی محکمہ صحت کے ذرائع کے مطابق ڈیرہ اسماعیل خان سے تعلق رکھنے والے ای این ٹی اسپیشلسٹ ڈاکٹر گل جان مرجان کا 15 روز قبل کورونا وائرس کا ٹیسٹ مثبت آیا تھا۔ وہ مفتی محمود میموریل ہسپتال ڈی آئی خان کے آئسولیشن وارڈ میں زیر علاج تھے، جہاں گزشتہ روز ان کی حالت خراب ہوگئی جس کے بعد وہ جاں بر نہ ہوسکے۔ محکمہ صحت کے ذرائع کے مطابق اب تک صوبے میں کورونا وائرس سے متاثر ہونے والے 13 ڈاکٹر جاں بحق ہوچکے ہیں۔
خبر کا کوڈ: 871747