QR Code

ذاکر آصف علوی کی گورنر پنجاب چودھری سرور سے ملاقات

6 Jul 2020 20:27

چودھری محمد سرور کا کہنا تھا کہ ریاستی ادارے مکمل ہم آہنگی کیساتھ ملک و قوم کیلئےکام کر رہے ہیں، کورونا ابھی ختم نہیں ہوا خطرہ موجود ہے، لاپرواہی نہیں احتیاط لازم ہے۔ گورنر پنجاب نے کہا کہ عیدالاضحٰی پر کورونا کا پھیلاؤ روکنے کیلئے علماء کو بھی اپنا کردار ادا کرنا چاہیئے۔

اسلام ٹائمز۔ گورنر پنجاب چودھری محمد سرور سے معروف ذاکر آصف علوی کی قیادت میں وفد نے ملاقات کی۔ گورنر پنجاب چودھری محمد سرور کا کہنا ہے کہ حکومت اور اتحادی ایک پیج پر مگر اپوزیشن جماعتوں کا اپنا اپنا پیج ہے۔ گورنر پنجاب چودھری محمد سرور نے کہا کہ اپوزیشن پلان بناتی رہ جائیگی اور حکومت آئینی مدت پوری کرے گی۔ ملک کو عدم استحکام کا شکار کرنے کی کسی کوشش کو کامیاب نہیں ہونے دیا جائیگا۔ انہوں نے کہا کہ عمران خان جیسا کوئی لیڈر نہیں وہ ملک کو مضبوط بنائیں گے۔ چودھری محمد سرور کا کہنا تھا کہ ریاستی ادارے مکمل ہم آہنگی کیساتھ ملک و قوم کیلئے کام کر رہے ہیں، کورونا ابھی ختم نہیں ہوا خطرہ موجود ہے، لاپرواہی نہیں احتیاط لازم ہے۔ گورنر پنجاب نے کہا کہ عیدالاضحٰی پر کورونا کا پھیلاؤ روکنے کیلئے علماء کو بھی اپنا کردار ادا کرنا چاہیئے۔

خبر کا کوڈ: 872857