QR Code

ضرورت پڑنے پر دہری شہریت ترک کر دونگا، زلفی بخاری

22 Jul 2020 11:14

نجی ٹی وی سے گفتگو کرتے ہوئے وزیراعظم پاکستان کے معاون خصوصی نے کہا کہ یہ کیس میں نے ہی لڑا تھا اور اسے جیتا بھی تھا۔ جب کبھی مجھے الیکشن لڑنا پڑا، میں اپنی دہری شہریت ضرور ترک کرونگا۔

اسلام ٹائمز۔ وزیراعظم کے معاون خصوصی برائے اوور سیز پاکستانیز اور ہیومن ریسورس ڈیولپمنٹ سید ذوالفقار بخاری نے کہا کہ وزیراعظم کے معاونین و مشیران خصوصی کے حوالے سے سپریم کورٹ آف پاکستان کا ایک فیصلہ آیا تھا، جو سابق جسٹس ثاقب نثار نے دیا کہ ایک معاون خصوصی دہری شہریت کا مالک ہوسکتا ہے۔ نجی ٹی وی سے گفتگو کرتے ہوئے انھوں نے کہا کہ یہ کیس میں نے ہی لڑا تھا اور اسے جیتا بھی تھا۔ جب کبھی مجھے الیکشن لڑنا پڑا، میں اپنی دہری شہریت ضرور ترک کرونگا۔ سیاحت کے حوالے سے ذمہ داری کا مقصد صرف یہ ہے کہ پاکستان کا ایک مثبت رْخ دنیا کے سامنے لایا جائے۔

خبر کا کوڈ: 875873