اسلام ٹائمز - وزیراعظم کا آج قوم سے خطاب متوقع

ذرائع کے مطابق وزیراعظم عمران خان اپنے متوقع خطاب میں کورونا کی مجموعی صورتحال اور حکومتی حکمت عملی پر بات کریں گے۔

اسلام ٹائمز۔ وزیراعظم عمران خان کا آج قوم سے خطاب متوقع ہے۔ وزیراعظم اپنے ممکنہ خطاب میں عیدالاضحی پر کورونا سے بچاؤ کے ایس او پیز پر عملدرآمد یقینی بنانے پر زور دیں گے۔ ذرائع کے مطابق وزیراعظم عمران خان اپنے متوقع خطاب میں کورونا کی مجموعی صورتحال اور حکومتی حکمت عملی پر بات کریں گے، وزیراعظم عید پر لوگوں کو سفری سرگرمیاں محدود رکھنے کی ہدایت کریں گے۔ ذرائع کا کہنا ہے کہ وزیراعظم عمران خان دیگر قومی امور اور نیا پاکستان ہاؤسنگ اسکیم پر بھی بات کر سکتے ہیں۔