QR Code

حکومت کلبھوشن سے متعلق آرڈیننس آج سینیٹ میں پیش کرے گی

29 Jul 2020 08:32

سینیٹ اجلاس آج شام چار بجے پارلیمنٹ ہاؤس میں ہو گا۔ عالمی عدالت انصاف آرڈیننس سمیت دیگر 6 آرڈیننس بھی ایجنڈے میں شامل ہیں۔

اسلام ٹائمز۔ سینیٹ کے آج کے اجلاس کا ایجنڈا جاری کر دیا گیا۔ وفاقی حکومت کلبھوشن یادھو سے متعلق عالمی عدالت انصاف نظرثانی آرڈیننس آج سینیٹ میں پیش کرے گی۔ وزیر قانون فروغ نسیم آرڈیننس پیش کریں گے۔ کلبھوشن سے متعلق آرڈیننس کے معاملے پر اپوزیشن متحرک ہو گئی ہے۔ ذرائع کے مطابق اپوزیشن جماعتوں نے تمام ارکان کو ایوان میں حاضری یقینی بنانے کی ہدایت کر دی ہے۔ عالمی عدالت انصاف آرڈیننس سمیت دیگر 6 آرڈیننس بھی ایجنڈے میں شامل ہیں۔ سینیٹ اجلاس آج شام چار بجے پارلیمنٹ ہاؤس میں ہو گا۔

خبر کا کوڈ: 877222